Obama rikthehet në Gjermani, pritet si “yll rock”-u dhe jo president
Ish-presidenti amerikan, Barack Obama u prit si yll “rock”-u në Këln. Ai ishte i ftuar në samitin për lidershipin botëror, një cikël ligjëratash mbi shoqërinë civile.
Obama në Gjermani ka admirues te të gjitha grupmoshat. Shumë vetë përpiqeshin t’i afroheshin skenës për të bërë ndonjë foto të mirë për “Instagram”-in. Një prej tyre tha se e sheh ish-shefin e Shtëpisë së Bardhë si një nga figurat më me ndikim, më interesante dhe më inteligjente të kohës sonë.
“Me sa duket, dëshira është shumë e madhe për të kujtuar një kohë kur SHBA-të ishin më pak armiqësore ndaj të huajve dhe nuk silleshin ndaj aleatëve si tani”, thotë “Deutsche Welle”.
Në vitin 2013, gati 50 vite pas fjalimit historik të John Kennedyt në Berlin, Obama iu drejtua gjithashtu berlinezëve, ku tha se nuk ishte presidenti i parë amerikan që ndalonte në portën e Brandenburgut, por se ishte krenar të qëndronte në pjesën lindore të saj për t’i bërë homazh të shkuarës.
Komentet
Bëhu i pari që komenton!
Lini një Koment të Ri
Për t'u përgjigjur një komenti specifik, kliko butonin 💬 Përgjigju poshtë atij komenti.