Pamuk në mbështetje të shkrimtarit që gjykohet për fyerje ndaj Erdogan

Nobelisti i letërsisë turke, Orhan Pamuk ka mbështetur një shkrimtar i cili u paraqit sot para gjykatës me akuzën për fyerje ndaj presidentit Erdogan, i cili i ka shtuar së tepërmi ndjekjet penale ndaj rasteve të tilla, që prej emërimit të tij në krye të shtetit, raportoi agjencia turke e lajmeve, Dogan.

Murat Belge, 73 vjeç, rrezikon të dënohet deri në katër vjet burg për një botim të publikuar nga e përditshmja “Taraf” në shtatorin e vitit 2015, në të cilën ai aludonte se presidenti turk kishte rindezur verën e kaluar konfliktin kurd për qëllime elektorale.

“Unë shkruaj prej 40 apo 50 vitesh. Është hera e parë që po përballem me një pretendim për fyerje”, u shpreh me keqardhje shqiptari Belge, duke hedhur poshtë akuzat e ngritura ndaj tij.