Paris Jackson rrëfen momentin spontan në funeralin e Michael Jackson

Paris Jackson ka rrëfyer se vendimi i saj për të folur në ceremoninë përkujtimore të babait të saj, Michael Jackson, në vitin 2009, ishte krejt spontan.

Gjatë episodit të së martës, 11 gusht, të podcast-it Call Her Daddy, aktorja dhe këngëtarja 28-vjeçare tregoi se nuk e kishte planifikuar të dilte në skenë për të mbajtur një fjalim.

“Thjesht ndodhi në atë moment. Ishte diçka që ndodhi në skenë”, tregoi Paris.

Ajo kujtoi se familjarët e saj po shikonin njëri-tjetrin dhe po mendonin nëse ndonjë prej fëmijëve të Michael Jackson do të thoshte diçka.

“Askush nuk lëvizi, kështu që thashë: ‘Në rregull, le ta bëjmë. Po, ndodhi’”, rrëfeu ajo.

Paris, e cila është motra e Prince Jackson, 29 vjeç, dhe Bigi Jackson, 24 vjeç, e përshkroi momentin si një lloj “nisjeje energjike”.

Ajo pranoi se nuk e ka parë më pamjen filmike të atij momenti që prej asaj kohe.

“Ende nuk jam kthyer ta shoh për të kuptuar se sa shpejt ndodhi gjithçka. Për mua dukej sikur ndodhi shumë ngadalë dhe ndjeva se dikush duhej të thoshte diçka. Vëllai i vogël nuk do ta bënte. Vëllai i madh nuk po lëvizte. Në rregull, atëherë”, tha Paris.

Ceremonia publike përkujtimore për Michael Jackson u zhvillua në korrik të vitit 2009, në Staples Center në Los Angeles, 12 ditë pas vdekjes së yllit të muzikës në moshën 50-vjeçare. Në atë kohë, Paris ishte vetëm 11 vjeçe.

Vitet e fundit, ajo ka folur edhe për marrëdhënien e saj me babain dhe për mënyrën se si e ka përjetuar publikisht humbjen e tij.

Në maj, gjatë një interviste në Trying Not to Die të Jack Osbourne, Paris tha se për një kohë të gjatë kishte ndjerë se “u detyrohej njerëzve” të fliste publikisht për lidhjen e saj me Michael Jackson. Megjithatë, ajo tha se kjo ndjesi ka ndryshuar ndjeshëm vitet e fundit.

“Unë nuk mendoj se ndonjëri prej nesh i detyrohet askujt asgjë”, u shpreh ajo.

Paris tha gjithashtu se tashmë e sheh marrëdhënien me të atin si diçka shumë personale, që nuk ka pse ta ndajë me publikun.

“Marrëdhënia ime me të është marrëdhënia më e bukur që mund të kem. Jam në një vend shumë të bukur me babain tim dhe e dua këtë. Nuk është punë e askujt dhe nuk kam pse ta ndaj me askënd”, tha ajo.