Pas bllokimit të këngës, reagon Xhensila Myrtezaj

Kanali muzikor Youtube ka bllokuar këngën e publikuar disa orë më parë të Xhensila Myrtezaj në bashkëpunim me Mozzik.

Sipas njoftimit të këtij portali thuhet se kënga është hequr për shkak të përmbajtjes komerciale. Por këngëtarja ka shfrytëzuar Facebook-un për të lajmëruar fansat e saj.

“Njoftim. Përsa i perket bllokimit të videos “Ama doren”, ju njoftoj se është hakuar nga njerëz “DASHAMIRES”, dhe së shpejti do të rikthehet. Nuk është rasti i parë që ndodh. Flm për mirkuptimin. Miqësisht Xhensila”.

Këngëtarja është rebeluar më tej aq sa ajo i është kundërpërgjigjur kështu “Nuk e kam zakon të kthej përgjigje personave, aq më tepër atyre që aludojnë për gjëra të tilla siç ato që shkruani ju, nuk kam pasur kurrë klikimet njësi matëse të këngëve të mia, e aq më tepër të suksesit tim, pasi nuk jam këngëtare klikimesh dhe as që kam qenë kurrë e tillë.

Mund të shikoni dhe rremoni ku të doni dhe për çdo këng timen nëse ka pasur qoftë dhe një klikim të pamerituar. Në momentin që kënga do të rikthehet së bashku me klikimet e saj, uroj që pas kësaj të kuptoni se jo për çdo gjë që ndodh, do ketë një hile patjetër. Flm për mirëkuptimin”.