Pas vitesh së bashku, Cristiano Ronaldo dhe Georgina drejt altarit

Cristiano Ronaldo dhe e fejuara e tij, Georgina Rodriguez, duket se kanë zgjedhur një vend shumë të veçantë për kurorëzimin e dashurisë së tyre.

Sipas raportimeve lokale, çifti pritet të zhvillojë ceremoninë martesore në Madeira, ishulli portugez ku Ronaldo ka lindur dhe është rritur.

Katedralja në kryeqytetin e ishullit, Funchal, thuhet se është rezervuar për një dasmë të madhe fundjavën e ardhshme. Ceremonitë martesore në këtë katedrale zakonisht nisin në orën 15:00.

Futbollisti 41-vjeçar dhe modelja 32-vjeçare mësohet se kanë rezervuar gjithashtu hotelin luksoz me pesë yje Savoy Palace për pritjen pas ceremonisë.

Një burim ka bërë të ditur se disa ambiente të hotelit do të jenë të mbyllura për mysafirët e tjerë gjatë ditëve të dasmës, pasi dy kate dhe disa zona të barit do të jenë të rezervuara për eventin privat.

Ronaldo, i cili aktualisht luan në Arabinë Saudite, u njoh me Georginën në vitin 2016 dhe i propozoi martesë në gusht të vitit të kaluar. Çifti u fotografua së fundmi me unaza diamanti teksa ndodheshin në një jaht në Majorka, duke shtuar zërat për martesën e afërt.

Më herët, Ronaldo kishte deklaruar se ai dhe Georgina planifikonin të martoheshin pas përfundimit të Kupës së Botës.

Në një intervistë me Piers Morgan, Ronaldo kishte thënë:
“Shpresoj të arrij në dasmën time me trofeun e kampionit.”

Futbollisti ka treguar gjithashtu se Georgina është e vetmja partnere me të cilën ka dashur të ndërtojë një jetë të përbashkët.