PD ende pa Kryetar! Tabaku konsultim me deputetët: E rëndësishme të mos përsëriten gabimet e së shkuarës
E pyetur nëse do ta pranojë postin që i është propozuar nga Gazment Bardhi, Tabaku tha se po konsultohet me deputetët demokratë dhe nuk dëshiron të nxitohet për këtë çështje. Për mediet, deputetja tha se është e rëndësishme që të mos përsëriten gabimet e së shkuarës.
“Çdo gjë do të bëhet në konsultim me deputetët. Çdo gjë do të bëhet bashkarisht. Unë jam duke u konsultuar me anëtarët e kryesisë, me deputetët për atë që është rruga më e mirë. E rëndësishme është të mos përsëriten gabimet e së shkuarës.
Gabime të së shkuarës, duke nisur së pari me kuptimin e problemeve që kemi ne dhe së dyti, me nxitimin. Ua detyrohemi këtë demokratëve edhe shqiptarëve, që të kemi përgjegjësi maksimale në marrjen e vendimeve”- përmbylli kështu prononcimin e saj Tabaku.
