Presidenti iranian mbërrin në Moskë, pritet të takohet me Putin

Presidenti iranian Masud Pezeshkiyan mbërriti sot në Moskë, ku do të marrë pjesë në samitin e krerëve të shteteve dhe qeverive të Forumit të Vendeve Eksportuese të Gazit (GECF), raporton Interfax.

Më parë, ndihmësi i Presidentit rus Vladimir Putin, Yuri Ushakov, njoftoi se Putin do të takohet me Pezeshkian dhe Emirin e Katarit, Sheikh Tamim bin Hamad al-Thani, si pjesë e samitit që fillon nesër.

Samiti i tetë i krerëve të shteteve dhe qeverive të Forumit të Vendeve Eksportuese të Gazit (GECF) do të mbahet nesër në Moskë, dhe Putin do të zhvillojë pesë takime dypalëshe në margjinat e forumit.

Bisedimet e planifikuara përfshijnë bisedimet e Putinit me udhëheqësin e Mozambikut, Daniel Chapu, presidentin e Guinesë Ekuatoriale, Theodore Obiang Ngema Mbasoga dhe presidentin e këshillit presidencial të Libisë, Mohamed El Menfi.