Presidenti Nishani fal Nazime Vishën

Presidenti Bujar Nishani ka dekretuar faljen e Nazime Vishës, në përgjigje të kërkesës së Ministrit të Drejtësisë.
Në arsyetimin e tij Presidenti shprehet se e dënuara ka kryer mbi 1/3 e dënimit dhe se ka shfaqur shenja pendese dhe riintegrimi.

“Tek kërkuesja vlerësova gjithashtu pendimin e thellë, sjelljen e saj si e dënuar, arsyetimin ligjor dhe propozimin e Ministrit të Drejtësisë, si dhe çdo rrethanë tjetër të veçantë që justifikon faljen”, shprehet kreu i shtetit.

Nazime Vishës i kishte mbetur për të kryer dhe dënimi prej 3 vitesh e 9 muajsh e 21 ditësh burg, pasi ishte dënuar me 10 vite për vrasjen e Fiqiri Muçës.

Në shkurt të këtij viti ministri i Drejtësisë, Ylli Manjani i kërkoi faljen e Vishës për vrasjen e 4 viteve më parë, pasi sipas tij janë përmbushur kriteret ligjore.