Privatizimi i OSSH, Balla: Policia të sjellë me forcë në komision Sali Berishën

Ish kryemimistri Sali Berisha është thirrur për herë të tretë në komisionin hetimor për privatizimin e OSSH-së, por që nuk është paraqitur.
Kreu i komisionit hetimor, Taulant Balla është shprehur se do t’i bëjë shkresë policisë për shoqërimin me forcë të Berishës.
“Shkresë policisë për shoqërimin me forcë të shtetasit Sali Berisha. Eshte hera e trete qe Sali Berisha refuzon të paraqitet në komision për të dëshmuar. Berisha është vënë në dijeni dy herë nëpërmjet shkresave zyrtare dërguar nga unë si kryetar i komisionit dhe sekretarja e përgjithshme e Kuvendit”, tha Balla.
Komisioni hetimor për privatizimin e OSSH-së ka nisur punën që në prill të këtij viti.