Projektet e bashkisë, së shpejti hapen dy segmente

Segmenti prej 3.7 km nga Tegu tek Fusha e Helikopterëve do të hapet brenda pak javësh, ndërsa segmenti nga Fusha e Helikopterëve do të hapet shumë shpejt.

Kjo është bërë e ditur nga nënkryetari i bashkisë së Tiranës, Arbian Mazniku i cili ka deklaruar se këto segmente përbëjnë  vetëm 45% e unazës së Madhe të Tiranës, ndërsa e përfunduar kjo unazë do të jetë në pranverën e vitit 2019.

Lidhur me projektin e Bulevardit të Ri, ky i fundit sipas nënkryetarit të Tiranës është një projekt që ndodhet në fazën përmbyllëse të 500 metrave të tjera dhe në muajin mars do të mundësohet hapja e segmentit të dytë, duke shkuar në segmentin 900 m. Segmenti i fundit është mbyllja ceremoniale e Bulevardit me një shesh të ngjashëm me sheshin “Nënë Tereza”. Të gjitha punimet parashikohen të përfundojnë brenda vitit 2018.

Sa i takon ndërtimeve përgjatë bulevardit, Këshilli Bashkiak ka miratuar planin studimor ndërsa vijon detajimi e atij plani, ndërtuesit do aplikojnë për procese zhvillimore në javët në vijim.