Rama në Konferencën e Sigurisë të Mynihut: takohet me zyrtarë amerikanë
Kryeministri Edi Rama ka marrë pjesë këtë të premte në Konferencën e Sigurisë në Mynih.
Përmes një postimi në facebook, shefi i qeverisë ka ndarë dhe disa foto nga takimi që ai pati me Jeanne Shaheen, kryetaren e nënkomitetit për Europën në Senatin Amerikan dhe senatorin Chris Van Hollen.
Rama njofton se tema e diskutimit lidhej me agresionin kibernetik që ka hasur Shqipëria dhe me planin franko-gjerman për normalizimin e marrëdhënieve me Prishtinës dhe Beogradit.
“Mynih – Me Jeanne Shaheen, kryetare e nënkomitetit për Europën në Senatin Amerikan dhe senatorin Chris Van Hollen, për agresionin kibernetik dhe ecurinë e ndërtimit të mbrojtjes sonë kibernetike me mbështetje edhe nga SHBA, planin franko-gjerman për normalizimin e marrëdhënieve mes Serbisë e Kosovës, si edhe rolin e Shqipërisë në bashkëpunimin rajonal në tërësi”, shkruan Rama në facebook.
Komentet
Bëhu i pari që komenton!
Lini një Koment të Ri
Për t'u përgjigjur një komenti specifik, kliko butonin 💬 Përgjigju poshtë atij komenti.