Kryeministri, njëherësh kryetari i Partisë Socialiste, Edi Rama, priti sot në një takim në selinë e PS-së shefen e Misionit të Vëzhguesve të OSBE/ODIHR për zgjedhjet e 14 majit, Audrey Glover.
Të pranishëm në takim ishin edhe Sekretari i Përgjithshëm i PS-së, Damian Gjiknuri dhe ministrja e Shtetit për Marrëdhëniet me Parlamentin, Elisa Spiropali.
Temat qendrore të diskutimit ishin mbarëvajtja e procesit zgjedhor, që u realizua edhe njëherë sipas standardeve më të mira dhe reflektimi i rekomandimeve të OSBE/ODIHR, ku vijon puna në Komisionin e Posaçëm për Reformën Zgjedhore.
Në takim u diskutua edhe për raportin paraprak të OSBE/ODIHR-it, si dhe ndihmesën e çmuar të Prezencës së OSBE-së për institucionet në rrugën e reformave.
Komentet
Bëhu i pari që komenton!
Lini një Koment të Ri
Për t'u përgjigjur një komenti specifik, kliko butonin 💬 Përgjigju poshtë atij komenti.