“Rasti i Malvinas”, FIFA nis hetimet për lojtarët e Argjentinës: Po e shqyrtojmë banderolën

FIFA ka njoftuar se po heton rastin e banderolës “Malvinasit janë argjentinas” të shfaqur nga lojtarët e kombëtares së Argjentinës pas fitores në gjysmëfinalen e Kupës së Botës, 2-1 ndaj Anglisë.

“Në përputhje me procedurën e saj standarde, Komiteti i Pavarur Disiplinor i FIFA-s po shqyrton aktualisht raportet e ndeshjes dhe po vlerëson rrethanat përkatëse përpara se të vendosë për ndonjë veprim të mëtejshëm, në përputhje me Kodin Disiplinor“, tha organi botëror i futbollit.

Deklaratat, të raportuara nga disa media, erdhën pasi qeveria britanike kërkoi një hetim për incidentin pas ndeshjes, duke deklaruar se gjesti shkelte rregulloret e FIFA-s që ndalojnë çdo demonstrim politik në stadiume gjatë turneve.