Rasti i profesor Krasniqit: Shtyhen për afat të pacaktuar nëntë seancat gjyqësore
Nëntë seancat gjyqësore ndaj ish-profesorit të Matematikës Xhevat Krasniqi, që priteshin të nisnin sot, janë shtyrë për një afat të pacaktuar.
Nëntë seanca bllok, njëra pas tjetrës, që ishin caktuar për të nisur sot, më 22 shtator 2026 — procesi gjyqësor ndaj ish-profesorit të Matematikës në Fakultetin e Mjekësisë të Universitetit të Prishtinës, Xhevat Krasniqi — janë shtyrë për një afat të pacaktuar.
Seanca e parë ishte caktuar për më 22 shtator, më pas 28, 29 dhe 30 shtator, ndërsa në tetor datat 1, 5, 6, 7 dhe 8. Avokati i Krasniqit, Drilon Imeri, ka njoftuar se gjatë ditës së djeshme gjyqtari i vetëm në këtë rast, Bujar Ahmeti, i ka njoftuar përmes telefonit se “seancat shtyhen për shkak të kërkesave nga disa palë”.
Arsyet e shtyrjes nuk dihen, ashtu siç nuk dihet kur do të ricaktohet data e fillimit të këtij procesi gjyqësor, i cili pritet të zhvillohet para gjyqtarit të vetëm Bujar Ahmeti.
Burimi: Klan Kosova
Komentet
Bëhu i pari që komenton!
Lini një Koment të Ri
Për t'u përgjigjur një komenti specifik, kliko butonin 💬 Përgjigju poshtë atij komenti.