Rritje ekonomike me 6% deri në fund të mandatit të dytë qeverisës

Deri në fund të mandatit të dytë, synimi i qeverisë mbetet rritja ekonomike me 5,5 deri në 6%.

Deklarata u bë sot nga ministri i Financave dhe Ekonomisë Arben Ahmetaj në takimin me 300 biznese të huaja në Tiranë, aktivitet i organizuar nga Dhoma e Tregtisë.

Gjatë fjalës së tij, Ahmetaj tha se duhet të krijohet një treg u hapur rajonal ku të gjitha tarifat të shkojë drejt uljes.

“Qasja jonë është që të krijojmë një treg të hapur rajonal ku të gjitha tarifat të shkojnë drejt uljes dhe zhdukjes. Perspektiva e vendeve të rajonit duhet të shkojë në një treg të konsoliduar dhe të hapur për investitorët”, tha ministri.

Shqipëria, u shpreh ai, do jetë vendi me rritjen më të madhe ekonomike pas Rumanisë.

“Në fokusin tonë është ulja e borxhit publik, vijoi Ahmetaj duke shtuar se reformat kanë qënë të vështira, por të nevojshme.

Ai deklaroi se gjatë vitit 2016 u shënua një rekord i investimeve të huaja në vendin tonë.