Zonat me natyrë piktoreske që ofron Përmeti dhe fshatrat përreth tij do të jenë lehtësisht të arritshme, falë infrastrukturës që sa vjen e përmirësohet.
E tillë është rruga Përmet-Çarshovë, aktualisht një kantier i hapur, por që shumë shpejt do të kthehet në një mundësi të re për shijuar mrekullinë e natyrës përmetare falë projektit “Sistemim, asfaltim i rrugës Përmet-Çarshovë”.
Bashkia e Përmetit bën të ditur se projekti i financuar nga Qeveria Shqiptare dhe zbatim nga Fondi Shqiptar i Zhvillimit pritet të krijojë mundësi të reja për zhvillimin e atraksioneve turistike dhe impakt të drejtpërdrejtë në zhvillimin e turizmit dhe agroturizmit.
Rruga Përmet-Çarshove është pjesë e segmentit rrugor Tepelenë – Përmet – Çarshovë, që lidh rrugën kryesore kombëtare SH4 (Aksin rrugor Veri-Jug) me qytetin e Këlcyrës, Përmetit dhe Çarshovës dhe më tej me kufirin me Greqinë në Pikën Doganore të “Tre Urave”, por është edhe pjesë e segmentit rrugor Tepelenë – Korçë – Kapshticë. Segment ky shumë i rëndësishëm jo vetëm për zhvillimin e zonave ku kalon kjo rrugë, por edhe për transportin e mallrave nga Lindja në Perëndim dhe anasjelltas. Ky aks rrugor, pjesë e të cilës është edhe rruga Përmet – Çarshovë kalon nëpër disa qytete apo qendra administrative të rëndësishme si më poshtë:Këlcyrë, Përmet, Çarshovë, Leskovik, Ersekë, Korçë, Bilisht, Kapshticë.
Ndërhyrja synon përmirësimin e konjektivitetit rajonal dhe ndërkufitar dhe lehtësimin e aksesibilitetit drejt potencialeve turistike të rajonit të Përmetit, duke sjellë zgjerimin e ofertës turistike të rajonit dhe rritje të oportunitetit për zhvillimin ekonomik të qëndrueshëm rajonal.
Komentet
Bëhu i pari që komenton!
Lini një Koment të Ri
Për t'u përgjigjur një komenti specifik, kliko butonin 💬 Përgjigju poshtë atij komenti.