Presidenti iranian Hasan Ruhani tha se Turqia dhe Irani si dy vende fqinje dhe mike mund të bashkëpunojnë në fushën e industrisë së mbrojtjes dhe mund të prodhojnë avion luftarak, transmeton Anadolu Agency (AA).
Duke folur në një takim të mbajtur në kryeqytetin e Iranit, Teheran, për prezantimin e avionit luftarak “Kevser”, Ruhani ka bërë vlerësime për sanksionet e SHBA-ve dhe marrëdhëniet me vendet fqinje.
Pasi ka vënë theksin se dëshirojnë të prodhojnë armë me kosto të ulët dhe me ndikim të lartë në industrinë e mbrojtjes, Ruhani tha se Irani sa vjen e forcohet në këtë fushë.
“Nga vendet fqinje dhe mike mund të bashkëpunojmë me Turqinë dhe Pakistanin në fushën e mbrojtjes”, tha presidenti Ruhani duke shtuar se mund të prodhojnë avion luftarak nëse këto vende punojnë së bashku dhe se këto vende kanë kapacitete për të bërë edhe më shumë.
Ai ka kritikuar sanksionet e SHBA-së ndaj Turqisë dhe ka nënvizuar se Irani është për bashkëpunim më të madh me vendet fqinje.
Duke mbrojtur idenë e tij se SHBA në botë është një shtet i “pabesueshëm”, Ruhani thekson se “SHBA-të e dinë shumë mirë se kostoja do të jetë shumë e rëndë për ta nëse ata sulmojnë Iranin”.
Ndërkohë, tek avioni luftarak “Kevser” thuhet se janë përdorur sistem avionikë dhe sistem i brendshëm, tregues HUD, radarë për shumë qëllime, karakteristika të leximit të hartave inteligjente dhe prodhim të kabinave dyshe.
Komentet
Bëhu i pari që komenton!
Lini një Koment të Ri
Për t'u përgjigjur një komenti specifik, kliko butonin 💬 Përgjigju poshtë atij komenti.