Serbia vendos kufizime të udhëtimit për shkak të koronavirusit

Serbia ka mbyllur kufijtë e saj për udhëtarët nga vendet më të prekura nga koronavirusi i ri, si përpjekje për të parandaluar përhapjen e sëmundjes.

Ndalimi i përkohshëm vlen për njerëzit që mbërrijnë nga Italia, provinca të caktuara në Kinë, Koreja e Jugut, Irani dhe Zvicra, tha qeveria serbe më 10 mars.

Punëtorëve të mjekësisë gjithashtu u është ndaluar të udhëtojnë në zonat e prekura nga virusi.

Autoritetet nuk kanë bërë të ditur se sa do të zgjasin masat.

Në Serbi, katër persona, përfshirë një shtetas kinez, janë të prekur nga sëmundja COVID-19, që e shkakton koronavirusi SARS-CoV-2.

Gjithsej 108 persona ishin testuar për koronavirus deri më 10 mars, sipas ministrisë së Shëndetësisë.

Virusi është përhapur në më shumë 100 vende, duke infektuar më shumë se 110,000 njerëz dhe duke vrarë mbi 4,000.