Shasivari: Takim konsultativ për provimin juridik në tetor — studentët kërkojnë provim edhe në shqip

Ministri i Drejtësisë, Jeton Shasivari, ka njoftuar se në gjysmën e parë të muajit tetor do të ftojë studentët dhe dekanët e fakulteteve juridike në një takim konsultativ-informativ, ku do të prezantojë zgjidhjen ligjore për mënyrën e dhënies së provimit juridik.

Pas përfundimit të konsultimeve, sipas ministrit, do të ndërmerren hapat e mëtejshëm institucionalë për finalizimin e zgjidhjes. Iniciativa vjen si përgjigje ndaj kërkesave të shumta të paraqitura nga shoqatat studentore lidhur me gjuhën në të cilën do të jepet provimi.

Deri më tani janë paraqitur pesë kërkesa nga pesë shoqata studentore: tri prej tyre kërkojnë që provimi juridik të jepet në gjuhën shqipe, njëra në gjuhën angleze dhe një tjetër në gjuhën angleze dhe turke.

Në këto pesë universitete, studimet juridike të ciklit të parë dhe të dytë (master) zhvillohen — përveç maqedonishtes — edhe në gjuhën shqipe, angleze dhe turke, prandaj palët e interesuara theksojnë se standardet ndërkombëtare dhe europiane janë të rëndësishme për një qasje gjithëpërfshirëse ndaj kësaj çështjeje.

Burimi: Makfax