SHBA përshëndet zgjedhjen e Thaçit president, dënon dhunën

Ambasadori i Shteteve të Bashkuara të Amerikës, Greg Delawie, ka përshëndetur vendimin e Kuvendit për zgjedhjen e Hashim Thaçit president, derisa ka dënuar edhe njëherë hedhjen e gazit lotsjellës nga deputetët e opozitës e koktejit të molotovit nga protestuesit.

“SHBA përshëndet vendimin e Kuvendit për zgjedhjen e Presidentit të ardhshëm të Kosovës. Ne do të vazhdojmë lidhjen e fortë me njerëzit e Kosovës”,ka thënë Delawie, përcjell koha.net. “Njerëzit që kanë gjuajtur gaz lotsjellës në Kuvend dhe koktej molotovi në rrugë, nuk i bëjnë nder askujt. Vazhdojmë të mendojmë që përdorimi i dhunës për arritjen e qëllimeve politike është i papranueshëm”, ka shtuar ai më pas.