SHBA – Trump: Do të doja të kandidoja në vitin 2028, por ligji është shumë i rreptë!

OHAIO, 12 gusht /ATSH -ANSA/ – Donald Trump është pyetur nga gazetarët nëse do të kandidojë për një mandat të tretë presidencial në vitin 2028, një mundësi që ndalohet nga Kushtetuta amerikane.

“Do të doja të kandidoja, por ligji është shumë i rreptë”, u përgjigj Trump.

Duke folur me gazetarët, presidenti amerikan shtoi: “Nuk i besoj Iranit dhe jemi ne ata që kontrollojmë ngushticën e Hormuzit, jo ata”.

“Irani nuk do të bëhet ngacmuesi i Lindjes së Mesme”, shtoi ai.

Duke komentuar largimin e papritur nga samiti i NATO-s në Turqi në korrik, Trump tha: “Marr shumë kërcënime. Shumë kërcënime për të cilat ju nuk keni dijeni. Kushdo që ka një rol të rëndësishëm duhet të përballet me shumë kërcënime. Kush nuk ka rëndësi, nuk kërcënohet. Besoj se jam objektivi kryesor”.

“Gjithçka varet vetëm nga Shërbimi Sekret. Unë thjesht ndjek atë që ata vendosin të bëjnë”, shtoi Trump pas mbërritjes në Uashington nga Ohio.