Sherr mes 3 personave në Fier, plagosen dy të rinj me mjete prerëse! Në kërkim autori

Një sherr mes tre personash mbrëmjen e djeshme në Fier ka rezultuar në plagosjen e dy të rinjve. Sipas raportimeve nga policia, konflikti ka qenë i çastit dhe si pasojë e kësaj përplasjeje është shpallur në kërkim një person.

Ndërkohë, mësohet se janë plagosur dy 28-vjeçarë, njëri në kokë dhe tjetri me mjete prerëse, ndërkohë është shpallur në kërkim shtetasi K. S., 36 vjeç, i cili dyshohet se është autori i plagosjeve.

“Rreth orës 23:00 të datës 10.05.2026, Salla e Komandimit e Drejtorisë Vendore të Policisë Fier ka marrë njoftim se kanë shkuar për ndihmë mjekësore në spital, shtetasi R. H., 28 vjeç, i dëmtuar në kokë, me sende të forta, dhe shtetasi D. H., 28 vjeç, i dëmtuar me mjet prerës. Nga veprimet e kryera nga grupi hetimor, rezultoi se ngjarja ka ndodhur si pësojë e një konflikti të çastit.

Në vijim specialistët për Hetimin e Krimeve të Komisariatit të Policisë Fier bënë të mundur identifikimin e njërit prej shtetasve që ka goditur këta shtetas, konkretisht K. S., 36 vjeç, banues në fshatin Vadhizë, Fier, shtetas me precedent penal, i cili u shpall në kërkim.

Në bashkëpunim me Prokurorinë, vijon puna për zbardhjen e rrethanave të rastit, si dhe për identifikimin dhe kapjen e shtetasve të tjerë të përfshirë në konflikt”, thuhet në njoftimin e policisë.