Shkëlqeu në Botëror, Real Madrid dhe klubet e Premier League “fiksohen” pas mesfushorit të Interit

Petar Sucic bëri një perfomancë shumë të mirë në Botëror me Kroacinë, pavarësisht eliminimit në fazën e 1/32-ve nga Portugalia.

Një asist kundër Anglisë dhe një gol kundër Ghana-s, pa harruar kontributin kundër Panamasë dhe Portugalisë, të gjitha këto kanë ndikuar që Petar Sucic të marrë vetëm lëvdata për paraqitjet e tij në Botëror.

Në këtë situatë, mediet kroate bëjnë me dije se është rritur interesi ndaj 22-vjeçarit, i cili luan si mesfushor qendror. Sipas gazetës kroate Večernji, Real Madrid dhe klubet e mëdha të Premier League si Chelsea, Man. United, Liverpool e Arsenal, po ndjekin me interes të madh mesfushorin e ri kroat dhe nuk përjashtohen ofertat e tyre gjatë kësaj merkatoje.

Sucic u transferua verën e kaluar nga Dinamo Zagreb tek Inter për 15 milionë euro, ndërsa sot 40 milionë euro, sipas Transfermarkt.

Kroati është nën kontratë me zikaltrit deri në vitin 2030 dhe për momentin duket e vështirë të mendohet për një largim të tij këtë verë. Megjithatë, interesimi i klubeve të përmendura më sipër mund të ndryshojë situatën.