Shtohen zërat rreth gjendjes shëndetësore të Fidel Castros

Autoritetet kubaneze u përpoqën sot të qetësojnë zërat për një përkeqësim të dyshuar të gjendjes shëndetësore të Fidel Castros, i cili nuk është shfaqur në publik që prej më shumë se një viti.

Disa media në Majemi, bastion anti-doctrinës të Fidel Castros konfirmuan se autoritetet kishin kërkuar zhvillimin e një konference shtypi për të diskutuar këto zëra që qarkullojnë që prej 48 orësh në rrjetet sociale.

“Është gënjeshtër, ne nuk kemi thirrur asnjë konfeencë shtypi”, deklaroi një zyrtar nga Qendra Ndërkombëtare e Shtypit (CPI), organ i Ministrisë së Punëve të Jashtme që drejton marrëdhëniet me shtypin e huaj në Kubë.

Ai nuk është prononcuar për siituatën shëndetësore të ish-presidentit 88-vjeçar, tërhequr nga pushteti për shkaqe shëndetësore.

Ardhur kryesisht nga gazetat dhe faqet në internet të kubanezëve të mërguar, këto spekulime janë publikuar gjerësisht sot në rrjetet sociale, ndërkohë që ”Komandanti” nuk është shfaqur në publik që prej një viti.

Dalja e tij e fundit daton më 8 janar 2014, gjatë inaugurimit të një galerie në perëndim të Havanës. Ai u shfaq në atë kohë i përkulur dhe dukej se kishte vërshtirësi në lëvizje.

Në muajin korrik, ai u takua me presidentin kinez, Xi Jinping dhe atë rus, Vladimir Poutine në shtëpinë e tij, por jashtë kamerave.

Mosshfaqja e tij në mes të muajit dhjetor, në momentin e njoftimit historik për përmirësimin e marrëdhënieve me SHBA-në dhe rikthimin e agjentëve të liruar nga Uashingtonit, ka rritur shpresat në Kuba dhe ushqyer shumë zëra në ishull dhe jashtë për gjendjen e tij shëndetësore.

Që prej kohës që babai i revolucionit kubanez i kaloi pushtetin vëllait të tij Raul pas një operacioni kirurgjikal në vitin 2006, gjendja e tij shëndetësore është bërë objekt i zërave që shtohen çdo ditë e më shumë në rrjetet sociale./