Skandali i eskortave, Leão distancohet: Nuk jam i përfshirë dhe s’kam kryer asnjë krim

Emri i Rafa Leao u përmend mes futbollistëve të Serie A, që dyshohet se kanë përfituar nga shërbimet eskortë të ofruara nga agjencia e eventeve MA.DE, e cila është nën hetim për “asociacion kriminal, shfrytëzim dhe favorizim të prostitucionit”. Sipas zërave të parë, portugezi ishte një nga lojtarët që ka përdorur “shërbimin ekstra” të seksit me pagesë pas netëve në jetën e natës në Milano, të organizuara nga kjo kompani me bazë në Cinisello Balsamo.

Megjithatë, vetë Leao i ka mohuar kategorikisht këto pretendime: “Në këto ditë emri im, si ai i futbollistëve të tjerë, është shfaqur në faqe, rrjete sociale dhe gazeta në lidhje me një hetim të Prokurorisë së Milanos. Dua të sqaroj drejtpërdrejt se jam plotësisht i huaj ndaj fakteve objekt i hetimit. Nuk jam i përfshirë dhe nuk kam kryer asnjë krim”.

Ai shton: “Ftoj të gjithë të shmangin lidhjen e emrit tim me këtë situatë në mënyrë arbitrare ose sipërfaqësore, pa respekt për të vërtetën dhe jetën private. Para se të jemi futbollistë, jemi njerëz me familje dhe reputacion. Kam autorizuar avokatin tim të më mbrojë nga çdo shpifje”.