Studimi: Dhuna në familje rritet gjatë ndeshjeve dhe pas humbjeve të Anglisë

Pas fundit të ndeshjes dhe eliminimit të Anglisë nga Botërori në Atlanta, shumë qytetarë ndjenë zhgënjim. Për një pjesë të viktimave të dhunës në familje, rezultatet sportive shtuan shqetësimin dhe frikën për sigurinë e tyre në shtëpi.

Një studim i Universitetit të Lancaster tregon se dhuna në familje rritet me 26% kur Anglia luan dhe me 38% kur humbet, raporton bbc.

Rebecca Goshawk nga organizata për ndihmën ndaj viktimave Solace, e cila ndjekte gjysmëfinalen kundër Argjentinës, thotë se shumë të mbijetuar dhe viktima kanë frikë se partnerët e tyre do të kthehen shtëpi dhe se kjo mund të rrezikojë sigurinë e tyre.

Ajo përshkruan forma të ndryshme të abuzimit: britmat, zvetënimi i dinjitetit dhe poshtërimet, që shpesh shoqërohen edhe me dhunë fizike si goditjet apo shuplakat. Goshawk thekson se për shumicën e grave këto nuk janë ngjarje një-herëshme, por pjesë e një modeli të përsëritur abuzimi.

Këshilli Kombëtar i Shefave të Policisë publikoi të dhëna që tregojnë se gjatë Euro 2024 u raportuan mbi 300 vepra të dhunës në familje, ku viktimat lidhën sjelljen e autorit me futbollin. Të dhënat për periudhën e Botërorit 2026 do të bëhen publike më vonë, por Goshawk parashikon se statistikat do të jenë të ngjashme dhe se nivelet e mizogjinisë dhe dhunës ndaj grave nuk po ndryshojnë dukshëm.

Solace thekson se përgjegjësia nuk është te futbolli, por te personat që abuzojnë, të cilët në shumicën e rasteve janë burra. Rritja e konsuminimit të alkoolit mund të përkeqësojë ndjenjën e humbjes dhe të nxisë agresionin. Organizata përçan mesazhin se kjo sjellje mund të ndryshohet, ofrohen linja këshillimi për burra që shqetësohen për sjelljet e tyre abuzive, dhe të gjithë meshkujt kanë detyrë të sfidojnë këtë sjellje brenda miqësive dhe familjeve.

Zyra e Prokurorisë së Koronës thotë se nga pesë raste të referuara nga policia, në katër çohen akuza, një tregues i ndikimit serioz të dhunës ndaj viktimave, sipas bbc.