Të rejat për agresorin e gazetës “Capital Gazette” në SHBA

Pesë akuza për vrasje të shkallës së parë janë ngritur ndaj Xherod W. Ramos, 38, vjeç, agresorit që sulmoi mbrëmjen e djeshme redaksinë e gazetës Capital Gazette në kryeqytetin Anapolis të shtetit amerikan të Merilendit.

Policia thotë se Ramos hyri në departamentin e lajemve I pajisur me një automatik, duke ndërmarrë sulmin që u mori jetën katër gazetarëve dhe një punonjëseje të departametit të shitjeve. Ky ishte edhe një nga sulmet më vdekjeprurës të ndërrmarrë ndaj gazetarëve në hisotirnë amerikane. Policia bëri të ditur agresori po kërkonte viktimat e tij në departamentin e lajmeve.

Ky person ishte i përgatitur që të vinte dhe që të qëllonte njerëz, – tha shefi I policisë së kontesë ku ndodhi sulmi. Ramos ka patur një histori të dokumentuar për ngacmimin e gazetarëve të gazetës, si pasojë e një armiqësie që filloi në lidhje me një shkrim të publikuar nga gazeta, ku shkruhej se Ramos ishte deklaruar fajtor për ngacmimin e një gruaje. Ai kishte ngritur padi për shpifje ndaj medias, por në vitin 2012 ajo u hodh poshtë pasi u konsiderua e pabazë.

Që atëherë ai publikonte herëpashere në tuiter postime kundër stafit të gazetës. Policia tha se videot e survejimit e regjistruan sulmin, që filloi me goditjen me automatik të xhamit të hyrjes në departamentin e lajmeve. Gazetarët u zvarritën poshtë tavolinave dhe si dhe vrapuan të kërkonin vende të tjera ku të fshiheshin, momente këto që u përshkruan si minuta terrori ndërsa dëgjonin hapat e agresorit si dhe shpërthimet e përsëritura të armës. Oficërt e policisë u përgjigjën për gjashtëdhjetë sekonda dhe e arrestuan Ramos pa iu dashur të hapnin zjarr. Pwrvec armës, atij iu gjetën edhe disa granada tymi.