Trump kërcënon se do të vendosë taksa në Ngushticën e Hormuzit nëse nuk arrihet marrëveshja

Presidenti i SHBA-së, Donald Trump përmes një postimi në “Truth Social” kërcënoi të vendosë taksa në Ngushticën e Hormuzit nëse nuk arrihet një marrëveshje përfundimtare me Iranin.

“NUK do të ketë taksa kalimi në Ngushticën e Hormuzit për 60 ditë gjatë Periudhës së Armëpushimit dhe NUK do të ketë taksa kalimi pas skadimit të periudhës 60-ditore, përveç nëse ato vendosen nga dhe për Shtetet e Bashkuara të Amerikës, nëse marrëveshja nuk përfundohet”, shkroi ai.

Ai shtoi se taksat do të jenë “për shërbimet e ofruara si Engjëll Mbrojtës për vendet e Lindjes së Mesme për qëllime të rimbursimit të kostove si në të kaluarën, ashtu edhe në të tashmen dhe në të ardhmen”.

Komanda më e lartë e përbashkët ushtarake e Iranit, Selia Qendrore Khatam al-Anbiya, tha të shtunën se Ngushtica e Hormuzit do të mbyllet për trafikun e anijeve, duke përmendur shkelje të dyshuara të një marrëveshjeje armëpushimi nga SHBA-të dhe Izraeli.

Ajo tha se mbyllja ishte “hapi i parë” në përgjigje të asaj që e përshkroi si shkelje të angazhimeve dhe paralajmëroi se do të merren masa të mëtejshme nëse agresioni vazhdon.