Trump për zhbllokimin e aseteve të Iranit: Nuk janë paratë tona

Presidenti amerikan, Donald Trump gjatë një konference për shtyp në samitin e G7 foli edhe lidhur me ngrirjen e aseteve iraniane. Ai u shpreh se ato janë para të Iranit dhe se do duhet t’ua kthejnë një ditë.

“Ne kemi marrë shumë nga paratë e tyre. Ne kemi marrë paratë e tyre, nuk janë paratë tona, janë paratë e tyre, dhe i ngrimë ato në një moment të caktuar kohor. Mendoj se do të na duhet t’ua kthejmë”, tha ai.

Lidhur me sanksionet, Trump tha se mund t’i heqë me kusht që Irani të pranojë të zbatojë kushtet e marrëveshjes.

“Sa i përket sanksioneve, në një moment të caktuar, e dini, kemi sanksione, të cilat nuk do t’i lejojnë kurrë ata të rindërtohen. Ata nuk do të kenë para. Do të jenë në varfëri”, tha ai.

Trump ka thënë vazhdimisht se Shtetet e Bashkuara nuk do të investojnë para për Iranin, përfshirë një fond rindërtimi prej 300 miliardë dollarësh, nëse Irani nuk i respekton kushtet e marrëveshjes – veçanërisht për çështjen bërthamore.

“Ne nuk po bëjmë asgjë; nuk po investojmë para, vetëm nëse po i bëjnë gjërat siç duhet. Nëse po i bëjnë gjërat siç duhet, nëse njerëzit duan të investojnë, ata mund të investojnë, por ata kishin këtë fond prej 300 milionë dollarësh. Është vetëm një fond prej 300 milionë dollarësh; është vetëm nëse po i bëjnë gjërat siç duhet”, tha Trump.

Trump mbrojti zëvendëspresidentin JD Vance, duke pretenduar se media e keqraportoi atë që ai tha për fondin.