Tuchel: Bellingham duhet të luftojë për fanellën, Anglia ka 14-15 lojtarë që mund të luajnë titullarë – Telesport

Trajneri i kombëtares së Anglisë, Thomas Tuchel, thotë se Jude Bellingham ka një betejë të fortë për të siguruar një vend si titullar në kombëtaren e “3 luanëve”. Morgan Rogers, që u paraqit në secilën nga tetë ndeshjet e fazës në grup, duket se i ka zënë vendin mesfushorit të Rea Madrid.

“Për Jude do të jetë një sfidë sigurimi i një vendi si titullar në kombëtare. Ne kemi 14 ose 15 titullarë potencialë, ndaj do të jetë një sfidë e fortë. Këto role mund të ndryshojnë gjithmonë, por për momentin mendoj se ka rreth 14 ose 15 titullarë të mirëfilltë dhe Jude është njëri prej tyre“, tha Tuchel.

Bellingham performoi më mirë se shoku i tij Rogers kundër Zelandës së Re në Tampa, kur secili luajti 45 minuta në rolin e numrit 10. Tuchel pranon se është impresionuar nga ajo që ka parë te Bellingham kohët e fundit. “Jude duket mirë. Ai duket mirë në stërvitje”, tha Tuchel.

Më tej, trajneri gjerman komentoi: “Mendoj se ai është në një pozicion të shkëlqyer për momentin sepse ka pasur pushimin e tij dhe ka dëshirën për t’u rikthyer në fushë dhe pas lëndimit kjo është normale. Dhe ai është shumë i lumtur që është rikthyer në fushë. I marr të gjitha detajet në konsideratë.”

Trajneri i Anglisë ka zbuluar gjithashtu më shumë detaje se si e sheh rendin e skuadrës tani që ndeshja hapëse kundër Kroacisë afrohet (17 qershor). Duket se midis 26 të grumbulluarve, ka tre grupe të dallueshme në mendjen e Tuchel.

“Ne kemi 14 ose 15 titullarë potencialë dhe pastaj ka një grup të veçantë… dhe pastaj ka djem që i përfundojnë ndeshjet për ne dhe të marrim energjinë e duhur. Por, statusi i tyre mund të ndryshojë midis tani dhe ndeshjes së parë“, deklaroi Tuchel.