Turne kombëtar i shkollave të mesme për djem & vajza, ja eventi i radhës i FSHF dhe SHRF

Federata e Futbollit, në bashkëpunim me tetë Shoqatata Rajonale të Futbollit në të gjithë Shqipërinë dhe Ministrinë e Arsimit, me mbështetjen e kompanisë Replay, do të organizojë Replay Snack Elka Cup 2026, një turne kombëtar futbolli për të rinjtë, që do të zhvillohet nga 7 prill deri më 8 maj.

Në kategorinë e djemve, turneu përfshin 15 ekipe të shkollave të mesme. Të 8 ekipet e Tiranës do të luajnë një fazë play-off në “Shtëpinë e Futbollit” për të përcaktuar ekipin përfaqësues të kryeqytetit. Fituesi i kësaj faze do të vazhdojë më tej duke u përballur me 7 ekipet më të mira nga qendrat rajonale të Shqipërisë.

Paralelisht, do të zhvillohet edhe kompeticioni i vajzave, për kategorinë e klasave të 8-ta dhe 9-ta, me pjesëmarrjen e 8 ekipeve nga qendrat rajonale.

Të gjitha ndeshjet e fazës play-off të Tiranës (datat 7, 10 dhe 14 prill), si dhe gjysmëfinalet dhe finalet për të dyja kategoritë, do të zhvillohen në “Shtëpinë e Futbollit”.

Gjysmëfinalet : 4 Maj
Finalet : 8 Maj

Ky turne ka si qëllim të nxisë pjesëmarrjen e të rinjve në sport, të promovojë futbollin dhe një stil jetese aktive, si dhe të forcojë frymën e bashkëpunimit dhe gjithëpërfshirjes mes nxënësve.

The post Turne kombëtar i shkollave të mesme për djem & vajza, ja eventi i radhës i FSHF dhe SHRF appeared first on Telesport.