UEFA zgjedh stadiumet e finaleve të ardhshme europiane, Champions League në Mynih dhe në Barcelonë

UEFA ka bërë të ditura emrat e stadiumeve që do të presin finalet e kompeticioneve europiane. Duke filluar nga Champions League, që në 2028-ën do ta luajë aktin final në Mynih dhe sezonin pasardhës në “Camp Nou” të Barcelonës.

Ka hapësirë edhe për Italinë, duke parë që finalja e Conference League 2028 është programuar të zhvillohet në “Juventus Stadium” të Torinos, kurse në “Puskas Arena” të Budapestit është vendosur të luhet finalja e 2029-ës.

“National Arena” i Bukureshtit dhe “National Stadium” i Beogradit janë zgjedhur si stadiumet e finaleve të Europa League për sezonet 2028 dhe 2029. Superkupa e Europës do të luhet fillimisht në “Johan Cruyff Arena” të Amsterdamit dhe një vit më pas në “Astana Arena” të Kazakistanit.