“Unë jam Charlie”, parulla mbush rrjetet sociale në të gjithë botën

“Unë jam Charlie!” Kjo është parulla me të cilën qytetarë nga e gjithë bota po organizohen në marshe solidariteti me viktimat e revistës “Charlie Hebdo”, në Paris, Berlin, Bruksel e Londër.

Në rrugët e Francës njerëzit kanë dalë me pankartat “Je suis Charlie”, ndërkohë që në rrjetet sociale po qarkullon fotoja me këtë mbishkrim, e cila po mbledh mesazhe të fuqishme.

Ndërsa karikatura e dy lapsave-kulla, që kujton sulmet e 11 shtatorit, po shpërndahet me shpejtësi në internet, si një metaforë për vrasjet.

Viktimat në revistën franceze ishin parashikuar të vriteshin sot, pasi terroristët kishin dijeni se mediat i bëjnë mbledhjet për numrin e ardhshëm, ditëve të mërkura.