Vance udhëton sot për në Zvicër për bisedime me Iranin

Zëvendëspresidenti amerika, JD Vance pritet të udhëtojë këtë të shtunë për në Zvicër, ndërsa fillojnë përgatitjet për bisedimet me Iranin, sipas një zyrtari amerikan. Koha e largimit të tij ende nuk është bërë e ditur.

I dërguari i SHBA-së, Steve Witkoff, dhe dhëndri i Presidentit Donald Trump, Jared Kushner, janë tashmë në terren duke u marrë me elementët teknikë të negociatave, të cilët u vunë në dyshim nga luftimet e vazhdueshme midis forcave izraelite dhe Hezbollahut në Liban.

“Do t’i planifikojmë bisedimet kur të mbërrijnë drejtuesit e qeverisë iraniane, si dhe të qeverisë së Katarit dhe Pakistanit”, tha Vance në një intervistë me Fox News të shtunën në mëngjes, kur u pyet për axhendën e tij.

“Kjo mund të ndodhë që nesër, por këto gjëra janë gjithmonë paksa të paqëndrueshme”, shtoi ai.

Vance tha se planet për udhëtimin e tij, të cilat kanë ndryshuar gjatë javës së kaluar, janë një “valle delikate koordinimi” ku duhet të merren në konsideratë “protokollet diplomatike”.