VIDEO/ Filmoi veten duke udhëtuar me 307 km/h, e pëson futbollisti në Angli, përfundon në qeli! (FOTO)

Një futbollist gjysmëprofesionist në Angli është dënuar me katër vite burg, pasi filmoi veten duke drejtuar makinën me shpejtësi që kalonte 307 km/orë.

Bëhet fjalë për Conor Charlton, 32 vjeç, lojtar i Nostell Miners Welfare FC në Ligën Lindore të Qarqeve Veriore.

Ai u filmua duke shkelur rëndë rregullat e qarkullimit në tetë raste të ndryshme brenda një periudhe 12-mujore. Në një prej videove, Charlton për pak sa nuk u përplas me një furgon të bardhë teksa kalonte me shpejtësi në një rrethrrotullim.

Në një tjetër, ai shfaqet duke e çuar automjetin në 307 km/orë.

Por hetimi zbuloi edhe akuza të tjera. Sipas BBC, 32-vjeçari dyshohet se ishte përfshirë në një skemë mashtrimi, ku persona merrnin përsipër përgjegjësinë për shkeljet e drejtuesve të tjerë në këmbim të parave.

Në total, Charlton u përball me 10 akuza për drejtim të rrezikshëm dhe katër akuza për pengim të drejtësisë, të lidhura me ngjarje të viteve 2022 dhe 2023. Futbollisti, baba i dy fëmijëve, u deklarua fajtor për të gjitha akuzat. Gjykata e Kurorës e dënoi me katër vite burg, ndërsa iu hoq leja e drejtimit për katër vite e shtatë muaj.

A semi-professional footballer has been jailed after being filmed driving at speeds up to 191mph.

Connor Charlton, who plays for Nostell Miners Welfare FC in the Northern Counties East League, was recorded on his car’s computer hitting high speeds on at least eight occasions… pic.twitter.com/ICEGFN765q

— The Telegraph (@Telegraph) August 13, 2026