VIDEO / Si u aksidentua gazetarja e “Fiksit”. A qendrojnë pretendimet për atentat?!

isa ditë më parë mediat raportuan se gazetarja e ‘Fiks Fare’ Kamila Xhakaj kishte pësuar një aksident të rëndë me motor, duke përfunduar në Spitalin e Traumës, disa orë para se ajo të shfaqej në emisionin duke ndjekur nga pas Belinda Ballukun.. E pasionuar pas motorëve, gazetarja pësoi aksidentin disa ditë pasi i ishte turrur Ballukut dhe para se të transmetohej emisioni, shkruan Prapaskena.

Pas ketij episodi fatkeq, disa media aluduan sikur Belinda Balluku kishte organizuar një ‘atentat’ ndaj gazetares, në shenjë hakmarrje, duke inskenuar aksident, pasi ajo (gazetarja) e kishte mërzitur me këmbënguljen dhe ndjekjen e saj. “Konspiracioni mori një tjetër dimension kur zonja gazetare reagoi në rrjetet sociale për aksidentin, duke dhënë versionin e saj, sipas të cilit një makinë i kishte prerë rrugën” – shpjegon Prapaskena.

(Postimi i gazetares Kamila Xhakaj)

Versioni i gazetares, së pari, nënkuptonte se ajo nuk ishte fajtore për aksidentin dhe së dyti shtonte dyshimet se aksidenti mund të ishte i qëllimshëm për t’a dëmtuar, pra se pas mund të fshihej një dorë e zezë. Prapaskena sjell videon e aksidentit, e cila rrëzon versionin e gazetares. Videoja tregon se motori që drejtohej nga gazetarja, për shkak të shpejtësisë dhe mosruajtjes së distancës, godet nga pas makinën. Goditja është në prapakolp, jo në pjesën anësore në të djathtë, çka rrëzon pretendimin se makina ka devijuar befasisht nga rruga për të hyrë në karburant, duke i prerë rrugën.

(Videoja e aksidentit)