Vrau gruan dhe fshehu trupin në papafingo, gjykata e Athinës dënon me burgim të përjetshëm për shqiptarin

Gjykata e Athinës, ka dënuar me burgim të përjetshëm këtë të premte, 29 maj, 39-vjeçarin shqiptar, K.Cenko, i cili akuzohet se vrau bashkëshorten e tij, Alba Cenkon.

Gjithashtu, 39-vjeçari do të vuajë dhe dy vite e gjashtë muaj heqje lirie për mbajtje dhe përdorim armësh pa leje.

Cenko u shpall fajtor për akuzën vrasje me dashje, me shumicë votash 6-1, por një prej anëtarëve argumentoi se krimi mund të ketë ardhur si pasojë e një shpërthimi emocional, gjë që nuk u pranua.

Kutjojmë se ngjarja e rëndë ndodhi më 29 nëntor 2024, në Athinë, Greqi.

Cenko e ka vrarë gruan e tij me çekiç dhe më pas e ka mbytur me kabllon e karikuesit celular. Më pasi, ai e ka vendosur në dollapin e dhomës së gjumit, teksa fëmijët e çiftit, 9 dhe 12 vjeç, ishin në gjumë. Për ta fshehur krimin e rëndë nga fëmijët, ai ka thënë se i ka çuar ata në shtëpinë e të vëllait që të ishte vetëm në shtëpi. Më pas, ai e ka fshehur trupin e gruas për një javë rresht në papafingo.

Skenari ka vijuar më tej, teksa i ka dërguar mesazhe djalit të tyre ku i është paraqitur si e ëma e fëmijës. Autori duke pretenduar se është gruaja e tij 32-vjeçare, i ka shkruar djalit të tyre se është larguar nga shtëpia dhe u ka kërkuar që të dëgjonin babain e tyre.

Cenko ka pretenduar para bluve se e ka kryer krimin pasi gruaja e tij i ka thënë se do të largohej me djalin e madh, për të cilin i ka deklaruar se nuk është fëmija e tij.

Në përditësim…

/tvklan.al