Vuçiç: Do ta ndjek shpalljen e dënimit ndaj Thaçit; me rëndësi ruajtja e paqes dhe sigurisë për serbët në Kosovë

Presidenti i Serbisë, Aleksandër Vuçiç, deklaroi sonte se do ta ndjekë shpalljen e dënimit ndaj Hashim Thaçit dhe katër ish-pjesëtarëve të tjerë të UÇK-së, e caktuar për të mërkurën në Hagë. “Po përgatitem që në orën 10:00 të 16 shtatorit ta ndjek shpalljen e dënimit”, tha Vuçiç për TV Pink.

I pyetur nëse e shqetëson gjithçka që ka ndodhur në periudhën e fundit në lidhje me këtë, si tubimet e mbështetjes të organizuara për Thaçin dhe të tjerët, Vuçiç tha se kjo e shqetëson shumë.

“Shumë më shqetëson dhe prandaj ishte me rëndësi që i dërgova letër Mark Rutte-s, dhe ishte me rëndësi që ai më dërgoi përgjigje. Me rëndësi janë edhe reagimet e sotme të KFOR-it, i cili thotë se nuk do të lejojë asnjë përshkallëzim. Shumë e rëndësishme është të ruhet paqja dhe të sigurohet siguria për njerëzit tanë”, tha Vuçiç.

Ai shtoi se detyra e KFOR-it dhe e NATO-s është të mbrojnë serbët në Kosovë e Metohi, e jo e ashtuquajtura polici e Kosovës. “Në atë polici asnjë serb nuk beson në Kosovë e Metohi”, tha Vuçiç.

Shpallja e dënimit nga Gjykata Speciale në Hagë ndaj Thaçit pritet me interes të madh në Beograd, pasi autoritetet serbe e kanë lidhur periudhën para vendimit me rrezikun e tensioneve në veri të Kosovës.

Burimi: Telegraf.rs — https://politika.telegraf.rs/4396318-vucic-praticu-izricanje-presude-taciju-vazno-obezbediti-mir-i-sigurnost-srba-na-kim