Kerry takon Jahjagën, Veselin dhe Mustafën

Sekretari amerikan i Shtetit John Kerry, në kuadër të një turneu evropian gjatë muajit të ardhshëm, do të qëndrojë edhe në Kosovë.

Ai në vendin tonë do të jetë më 2 dhjetor.

Burime të Koha net marrin vesh se John Kerry do të zhvillojë një takim të përbashkët dhe të njëkohshëm me kryetaren e vendit Atifete Jahjaga, kryetarin e Kuvendit të Kosovës Kadri Veseli dhe me kryeministrin Isa Mustafa.

Ende nuk dihet vendi se ku do të zhvillohet ky takim.

Temat që pritet të trajtohen gjatë këtij takimi janë bashkëpunimi ndërmjet dy vendeve, lufta kundër ISIS dhe çështje të tjera me interes rajonal e ndërkombëtar