Zachary Levi flet për remake-n live-action të “Tangled”: “Dua që filmi të jetë i mrekullueshëm”

Zachary Levi, aktori amerikan i cili i dha zë Flynn Rider-it në filmin e animuar “Tangled” (2010), ka folur për remake-n live-action që po përgatit Disney, duke iu përgjigjur pyetjeve të fansave rreth kastit të ri.

Në një intervistë për ScreenRant, Levi tha se i do suksese të gjithë aktorëve të rinj: “Jam entuziast për të gjithë ata djem. Dua që të gjithë të kenë sukses… dhe dua që ai film live-action të jetë i shkëlqyer.” Ai pranoi se remake-t dhe vazhdimet nuk funksionojnë gjithmonë, por tha se shpreson që audienca të gjejë te versioni i ri gjithçka që e dashuroi te filmi i animuar.

Kastin e konfirmuar e përbëjnë: Teagan Croft si Rapunzel, Milo Manheim si Flynn Rider, Kathryn Hahn si Mother Gothel, Diego Luna si Hawthorne, Caitríona Balfe si mbretëresha Arianna dhe Elliot Cowan si mbreti Frederic. Filmi drejtohet nga Michael Gracey (regjisori i “The Greatest Showman”) me skenar të Jennifer Kaytin Robinson dhe Michael Montemayor.

Filmi pritet të dalë në kinema më 31 mars 2028 nga Walt Disney Studios Motion Pictures. Origjinali i animuar i vitit 2010 fitoi 591.8 milionë dollarë në box office me një buxhet rreth 260 milionë dhe mori 89% në Rotten Tomatoes — një shifër që i vë presion të madh versionit të ri.

Burimi: ComingSoon.net