Zviceranët studim në Shqipëri për mundësitë e sigurimit në bujqësi

Kompania “Business&Finance Consulting” me qendër në Zyrih të Zvicrës është kontraktuar për llogari të Fondit për Europën Juglindore ( EFSE ) që të realizojë produkteve dhe shërbimeve të sigurimeve në bujqësi, me fokus zonat rurale në Shqipëri dhe në Bosnje.

Në këtë studim BFC do të përfshijë mundësitë për të zhvilluar sigurimet në bujqësi, bazuar si tek oferta, ashtu edhe te kërkesa. Mësohet se kompania ka zhvilluar takime me shoqëritë e sigurimeve, institucionet financiare, si dhe me përfaqësues të autoriteteve shtetërore të të dy vendeve.

Qëllimi kryesor i studimit është që të ofrohen programe përmes përkrahjes së dedikuar për ndërmarrjet e vogla dhe të mesme dhe ekonomitë familjare me të ardhura të ulëta.

Shqipëria është një vend që ka një ekspozim të lartë ndaj fatkeqësive natyrore. Kompanitë e sigurimit shprehen se janë duke punuar me produket që kanë të bëjnë kryesisht me katastrofat. Ato ofrojnë produkte që ofrojnë sigurim të plotë për tokat bujqësore në rastet e përmbytjeve, por ende mungon kultura.

Autoriteti i Mbikëqyrjes Financiare është bërë pjesë e diskutimeve për hartimin e ligjit për sigurimin e fermerëve, duke e konsideruar të rëndësishëm.