Zyrtari amerikan: SHBA mbështet operacionet izraelite kundër Hezbollahut

Një zyrtar amerikan deklaroi se Shtetet e Bashkuara mbështesin operacionet e vazhdueshme të Izraelit kundër Hezbollahut, duke theksuar se Izraeli “nuk mund të pritet të përballojë në mënyrë pasive sulmet ndaj forcave dhe civilëve të tij”.

Sipas zyrtarit, që nga 17 prilli, Hezbollahu ka lëshuar mbi një mijë dronë dhe më shumë se 700 raketa, me qëllim pengimin e negociatave mes Libanit dhe Izraelit.

“Status quo-ja është e paqëndrueshme”, tha ai, duke shtuar se Hezbollahu mban përgjegjësi të plotë për përshkallëzimin e situatës.

Zyrtari amerikan akuzoi grupin se ka shkelur armëpushimin më 2 mars dhe se po pengon mundësinë e Libanit për paqe dhe rindërtim.

Komentet vijnë në një kohë kur po zhvillohen negociata për përfundimin e luftës në Iran, ndërsa Teherani ka bërë gjithashtu thirrje për ndalimin e konfliktit në Liban.