“23 maji, farsë e madhe në Partinë Demokratike”, Beqiri: Berishës nuk ia heq “non grata” populli shqiptar

Avokati Idajet Beqiri ka komentuar procesin e 23 majit në Partinë Demokratike, duke e cilësuar atë një farsë dhe në shkelje të hapur të statutit të partisë. Sipas tij, Sali Berisha nuk lejoi garë reale për postin e kryetarit të PD-së dhe përjashtoi kandidatët e tjerë nga procesi.

Avokati theksoi se në “Ora e Fundit” në ABC News në rast se procesi ankimohet, gjykata duhet të shqyrtojë arsyet pse u përjashtuan nga gara figura si Ervin Salianji, Alesia Balliu, Evi Kokalari dhe Mereme Sela.

Më tej, Beqiri ngriti gjithashtu akuza të forta ndaj ish-kryeministrit dhe familjes së tij, duke pretenduar se shqiptarëve u janë vjedhur mbi 100 milionë dollarë përmes privatizimeve dhe trafikimit të armëve.

“Kur ke një parti vetëm për familjen nuk pyet për rregullat. Ai është i ndërgjegjshëm që nuk ka zgjedhje. Ai nuk respekton nenin, që e vendosi vetë. Kjo farsë e dukshme derisa ka shkelur rendë statutin dhe nuk pranon të tjerët të futen në garë, por i përjashton, kjo edhe në pikëpamjen ligjore, kushdo që do ti kontestojë, gjykata do t’i konsiderojë të pavlefshme. Ai e ka dëshmuar se nuk bën zgjedhje kurrë. Ai bën gjakderdhje, vrau njerëzit për t’ju vjedhur zgjedhjet.

Po ti shkojë padia, gjykata do të shqyrtojë vlefshmërinë apo pavlefshmërinë. Kur e shqyrton, Gjykata duhet të shohë statutin dhe pse u përjashtuan nga gara Salianji, Balliu, Kokalari dhe Sela. Për çfarë arsye? Ku është gara, me kë konkurron? Ai do jetë non grata edhe në partinë e vet. Non grata në SHBA, Britani e Madhe,nga shqiptarët, por edhe nga partia e vet”, tha ai.

Ai theksoi se populli shqiptar nuk ia heq kurrë njollën e “non grata” Sali Berishës, pasi ai ka vrarë dhe ka urdhëruar veriun, që të luftojë ndaj jugut të Shqipërisë, duke rrezikuar përplasje civile në vend.

Për të mos iu vendosur non grata nga SHBA, sepse ai e mori vesh vonë këtë, që mos ta merrte këtë vulë të rëndë turpi, si dhe për ta hequr këtë, taksapagueseve shqiptarët iu janë vjedhur jo më pak se 100 milionë dollarë. Ua ka vjedhur me privatizim, me trafikimin e armëve që ka bërë Shkëlzeni i tij. Sali Berishës nuk ia heq “non gratën” populli shqiptar”, tha ai.