Abissnet Superiore: Humbja me Tiranën i kushton shumë Dobit, Teuta i beson ekipin Hodos

Të nesërmen e humbjes që Teuta e tij pësoi përballë Tiranës, trajneri Dobi ka dhënë dorëheqjen prej postit të tij në ekip.

Klubi durrsak ka njoftuar se “trajneri Enkelied Dobi ka paraqitur kërkesën për dorëheqje dhe duke filluar nga dita e sotme, nuk do të ushtrojë më detyrën e tij në drejtimin e ekipit të parë”.

Një njoftimin e bërë publik nga klubi thuhet se “trajneri Dobi falënderon presidentin për mundësinë e dhënë, stafin për bashkëpunimin dhe të gjithë tifozët për mbështetjen e vazhdueshme. Gjithashtu, ai shpreh një falënderim të veçantë për ekipin, për angazhimin, sakrificën dhe profesionalizmin e treguar gjatë gjithë kohës së bashkëpunimit”.

Për dy ndeshjet e mbetura të sezonit, drejtimi i ekipit do t’i besohet zëvendëstrajnerit Hodo, në bashkëpunim me pjesën tjetër të stafit teknik.