Aksidenti fatal në Selenicë, automjeti del nga rruga dhe bie në greminë, humb jetën drejtuesi

Një aksident tragjik është regjistruar në fshatin Mazhar të Sevasterit, në Selenicë ku një automjet ka dalë nga rruga dhe ka rënë nga një lartësi e konsiderueshme në terrenin kodrinor.

Si pasojë e aksidentit, drejtuesi i automjetit, banor i zonës, ka humbur jetën.

Nga të dhënat paraprake dyshohet se drejtuesi ka humbur kontrollin mbi automjetin, duke shkaktuar daljen e tij nga rruga dhe rënien nga lartesia.

Shërbimet janë nisur drejt vendngjarjes për të dokumentuar aksidentin dhe për të përcaktuar rrethanat e plota të tij.

Ndërkohë, policia ka nisur hetimet për zbardhjen e shkaqeve dhe dinamikës së aksidentit.