“Albin Kurti ndihmoi Berishën”/ Beqiri: PD shfrytëzoi protestën, shqiptarët e kuptuan dhe e braktisën

Avokati Idajet Beqiri ka komentuar zhvillimet politike dhe protestat për Zvërnecin, duke deklaruar se, sipas tij, Shqipëria ndodhet në një fazë ndryshimi dhe se qytetarët kanë kuptuar drejtimin politik të vendit.

Beqiri u shpreh se një figurë që punon, është reformator dhe sjell zhvillim, investime dhe kapital në vend, nuk mund të vendoset në të njëjtin plan me persona që ai i cilësoi si përgjegjës për probleme të së kaluarës.

Sipas avokatit, ish-kryeministri Berisha ka shfrytëzuar protestën për qëllime politike, ndërsa përmendi edhe rolin e kryeministrit të Kosovës, Albin Kurti, duke pretenduar se i ka dhënë mbështetje Berishës.

“ Rama ka sjellë çdo aspekt të jetë së sotme, një Shqipëri të re dhe në 14 korrik mbyll tre kapitujt e parë, një njeri që punon dhe është reformator dhe e çon vendin përpara dhe i jep emër në botë, një njeri që sjell kapitale të tilla dhe investime si Zverneci, duhet barazuar me një kriminel si Berisha, por shqiptarët e kuptuan dhe e braktisën. Berisha shfrytëzoi protestën, Albin Kurti i dha ndihmë Berishës. Në shesh tashmë kanë ngelur Berisha dhe pesë pikat që kërkonte Berisha. Ato që kërkoi Berisha me molotovë dhe kilometrin e fundit.

Shqipëria ka kohë, është kapur nga komisionarët pro-serbë me Berishën në krye dhe është ky person që në momentet më kyçe ka futur në Shqipëri përçarjen dhe akte të tilla kriminale.”