Alisson: Fakti që nuk na shohin favoritë na karikon, me Ancelotti atmosfera është ndryshe

Portieri Alisson këmbëngul se çdo dyshim në lidhje me aftësinë e Brazilit për të performuar në Kupën e Botës do të funksionojë vetëm në favorin e tyre, ndërsa ata përgatiten për ndeshjen e radhës ndaj Norvegjisë.

Pesë herë kampionët nuk konsiderohen si favoritët kryesorë, madje janë të gjashtët sipas Opta pas Spanjës, Francës, Anglisë, Argjentinës dhe Portugalisë. Brazili është e vetmja skuadër që ka marrë pjesë në të 23 edicionet e Kupës së Botës që nga fillimi i saj në vitin 1930.

Brazili nuk e ka fituar Kupën e Botës që nga viti 2002. Edhe pse kanë arritur në çerekfinale në secilin prej pesë turneve të fundit, vetëm një herë kanë kaluar përtej asaj faze, duke përfunduar të katërtit në vitin 2014 si organizatorë pas një humbjeje turpëruese 7-1 në gjysmëfinale ndaj Gjermanisë.

Por Alisson nuk shqetësohet nga asnjë pyetje që i bëhet Brazilit, duke qenë se ata nuk u etiketuan si pretendentë kryesorë herën e fundit që fituan trofeun kryesor të FIFA. “Është mirë që ka disa dyshime për ekipin, sepse kjo ka qenë rasti edhe në raste të tjera në të kaluarën“, theksoi Alisson.

“Ekipi aktual ka karakteristika të ndryshme në krahasim me ekipet e kaluara. Periudha e fundit ishte shumë e vështirë për të gjithë lojtarët, për arsye të ndryshme. Gjëja më e rëndësishme është se si ndihemi tani, dhe shpresojmë që kjo të përkthehet në një rezultat të mirë kundër Norvegjisë”, tha Alisson.

“Lidhur me atë që ndodhi në të kaluarën, mendoj se në futboll nuk mund të përballosh të kalosh kohë duke u zhytur në të keqe. Që kur Ancelotti erdhi, atmosfera është transformuar. Ai ka një prani kaq të fortë dhe nuk përqendrohet në çështje kontraverse“, tha portiere brazilian.