Arrestohet botuesi dhe analisti Henri Çili, akuzohet për korrupsion te organet e drejtësisë
Arrestohet pedagogu, botuesi dhe analisti Henri Çili, pronar i Universitetit Europian të Tiranës (UET) dhe themelues i botimeve MAPO.
Mësohet se Çili është arrestuar orët e para të mëngjesit të sotëm për llogari të Policisë së Gjirokastrës me akuzën për korrupsion te organet e drejtësisë.
Burimet thanë për News24 se bashkë me Çilin janë arrestuar dhe 7 persona të tjerë, mes tyre dhe një avokat, të cilët dyshohet se janë transferuar nën forca të shumta policore drejt Gjirokastrës. Ndërkohë ka dhe disa persona të shoqëruar.
Pas arrestimit të Çilit është rrethuar EUT, ku kanë vijuar kontrollet gjatë mesnatës.
Arrestimet kanë ardhur pas hetimeve disa mujore nga prokuroria e rrethit të Gjirokastrës dhe dyshohet se kane ndikuan tek gjyqtarët për të liruar nga burgu disa persona.
Komentet
Bëhu i pari që komenton!
Lini një Koment të Ri
Për t'u përgjigjur një komenti specifik, kliko butonin 💬 Përgjigju poshtë atij komenti.