Berisha me krerët e Drejtësisë amerikane, Todd Blanche dhe Stanley Woodward

Kryetari i Partisë Demokratike, Sali Berisha përmes një postimi në “Facebook” ka njoftuar se ka zhvilluar takime me drejtues të lartë të Departamentit të Drejtësisë së Shteteve të Bashkuara gjatë punimeve të Konventës Republikane në Dallas.

Berisha ishte i shoqëruar nga kreu i Partisë Republikane, Fatmir Mediu. Ata u takuan me Prokurorin e Përgjithshëm të SHBA-së, Todd Blanche, si dhe Zv.Prokurorin e Përgjithshëm, Stanley Woodward Jr. Takimet u zhvilluan në një prej aktiviteteve të rëndësishme të kampit republikan në SHBA.

“Gjatë punimeve të Konventës Republikane, në Dallas, në një prej momenteve më të rëndësishme të jetës politike amerikane, ku Republikanët u mblodhën për të diskutuar të ardhmen e vendit dhe sfidat që përballon bota e lirë, bashke me z. Fatmir Mediu, pata nderin dhe kënaqësinë të takoja krerët e Departamentit të Drejtesisë, Prokurorin e Përgjithshëm të Shteteve të Bashkuara, Todd Blanche, dhe Zv.Prokurorin e Përgjithshëm, Stanley Woodward Jr”, shkruan Berisha.