Danielsson: Shqipëria përpara me reformat për të pasur progres sa më bindës deri në qershor

Kryeministri Edi Rama ka pritur sot Drejtorin e Përgjithshëm për Fqinjësi dhe Zgjerim në Bashkimin Europian, Christian Danielsson, i cili po zhvillon një vizitë zyrtare në vendin tonë.

Danielsson bën të ditur detaje nga ky takim, duke u shprehur se ishte “një bisedë e hapur dhe shumë miqësore me kryeministrin Edi Rama për situatën aktuale politike dhe reformat”. Ai inkurajon vijimin e mëtejshme të reformave në Shqipëri, veçanërisht në luftën kundër krimit dhe korrupsionit.

“Një bisedë shumë e hapur me kryeministrin Edi Rama për situatën aktuale politike dhe reformat. Shqipëria duhet të vazhdojë të ofrojë reforma në të gjitha fusha, sidomos në luftën kundër krimit dhe korrupsionit, për të bërë një rast bindës në qershor, kur Shtetet Anëtare të BE do të shqyrtojnë përparimin”, deklaron Danielsson.